شنو تحدي صناع المحتوى؟
شهرياً رح نستلم فيديوات من صناعتكم، الفيديوات تكون عبارة عن محاضرة تعليمية في مجال الالكترونيات والانظمة المدمجة والبرمجة عن استخدام منتج معين او ريفيو عن منتج او عن مميزات منتج او كيفية استخدام منتج في مشروع وبشكل كامل (برمجة وربط الدوائر) وهاي الفيديوات رح ننشرها ونسوي تصويت عليها، الفائزون يحصلون على قسيمة شراء من متجر اوروكتيك بقيمة:
الفائز الاول – (100,000) مئة الف دينار عراقي
الفائز الثاني – (50,000) خمسون الف دينار عراقي
الفائز الثالث – (25,000) خمسة وعشرون الف دينار عراقي
شوكت يبدي التحدي؟
من تأريخ 2020/5/1 نبدي نستلم منكم الفيديوات ولمدة 15 يوم، وبعده نطرح الفيديوات للتصويت لمدة 15 يوم ونعلن الفائزين لأول شهر.
زين شنو المنتجات الي ممكن نسوي الفيديو عليها حتى نشارك؟
اي منتج موجود في متجر اوروكتيك (ممكن تطلعون على المنتجات في تطبيق او موقع اوروكتيك) وممكن تسوي الفيديو عبارة عن ريفيو عن مواصفات المنتج وتطبيقاته وجزء من الفيديو يخص مشروع متكامل مع البرمجة والربط. واذا عندكم اي استفسار ممكن مراسلة قسم التدريب والتطوير عبر الايميل [email protected]
اكو بعد شروط لازم اخذها بنظر الاعتبار؟
الفيديو لازم يكون بصوت واضح وعالي والتصوير يكون واضح ويتم مونتاج الفيديو وتقطيعه وباللغة العربية، ومدة الفيديو لازم ما تقل عن 10 دقائق.
زين شلون اشترك؟
كل الي عليك تسويه انه بعد ما تكمل الفيديو، ترفعه على الـ Google Drive او اي موقع خزن وتملي الاستمارة التالية، وتخلي رابط الفيديو الي رفعته بالاستمارة.